Ինչու դիմել «Կենտրոն Անշարժ» գույքի գործակալությանը

27.12.2018

Անշարժ գույքի գործակալությունը /Միջնորդ ընկերություն/ առևտրային կազմակերպություն է, որը որպես կանոն անշարժ գույքի ոլորտում իրականացնում է միջնորդական ծառայություններ, գնորդի և վաճառողի կամ վարձատուի և վարձակալի միջև: Սովորաբար գործակալությունները մատուցած ծառայությունների համար վարձատրվում են վաճառված կամ վարձակալությամբ հանձնված գույքից որոշակի տոկոս ստանալով: ԱՄՆ-ում, Ռուսաստանում, Եվրոպայում և այլ երկրներում անշարժ գույքի առքուվաճառքի կամ վարձակալության գործարքները մարդիկ իրականացնում են միայն գործակալությունների միջոցով: Հայաստանում ոչ բոլորն են դիմում գործակալությունների, տարբեր պատճառներով: Ոմանք չեն ցանկանում հավելյալ վարձատրել գործակալություններին, իսկ ոմանք էլ պարզապես չեն վստահում: Իհարկե երկու պատճառներ էլ հասկանալի է, բայց այնուամենայնիվ պետք գիտակցել, որ թե առքուվաճառքի և թե վարձակալության գործարք իրականացնելիս առաջ են գալիս մի շարք ռիսկեր, որոնք կարող են լրջորեն ազդել թե գործարքի և թե հետագայում մարդկանց ֆինանսական կարողության վրա:

Ներկայումս Հայաստանյան շուկայում միջնորդական գործունեությամբ զբաղվում են 200-ից ավելի գործակալություններ, որոնք առաջին հայացքից մատուցում են գրեթե նույն բնույթի ծառայությունները, սակայն տարբեր պայմաններով և որակով:

Ինչպիսի ռիսկերի կարող եք հանդիպել

Յուրաքանչյուրս երբևէ հանդիպած կամ լսած կլինենք այնպիսի դեպքերի, երբ անշարժ գույք ձեռք բերելիս առաջացել են այնպիսի խնդիրներ կամ խաբեություններ, որի արդյունքում Գնորդը կամ Վաճառողը կրել են նյութական վնասներ: Օրինակ՝

 Գնորդը ձեռք է բերել բնակարան՝ բազմաբնակարան շենքում և մի որոշ ժամանակ անց իմացել է, որ շենքը ունի վթարային կարգ: Կամ շատ ենք լսել այնպիսի դեպքերի մասին, երբ կեղծ փաստաթղթերի միջոցով բնակարանը վաճառել են մի քանի անձանց: Եղել են դեպքեր, երբ սեփականության իրավունքում նշված է եղել մեկ սեփականատեր, այնինչ իրականում գույքի նկատմամբ եղել են մեկից ավել սեփականատերեր:

Գնորդը Վաճառողի հետ ձեռք է բերել պայմանավորվածություն գույքը գնելու համար և առանց գրավոր փաստաթուղթ կազմելու Վաճառողի տվել է որոշ չափի գումար նախավճարի կամ կանխավճարի տեսքով: Որոշ ժամանակ անց Վաճառողը հրաժարվում է գույքը վաճառելուց և հրաժարվում վերադարձնել Գնորդին վերջինիս կողմից տրված գումարը: Պայմանագրի բացակայության արդյունքում առաջանում է տրված գումարի մասով խնդիր, որի արդյունքում Գնորդը կկորցնի և բավական ժամանակ և գումար: Նմանատիպ և այլ խնդիրներից զերծ մնալու համար անհրաժեշտ է դիմել մասնագետի:

Ինչու դիմել մեզ

Կենտրոն անշարժ գույքի գործակալությունը հիմնադրվել է 2005թ.-ին և իր կողմից մատուցված որակյալ ծառայությունների համար արժանացել բազմաթիվ պատվոգրերի և պարգևների: Սակայն պետք է նշենք, որ ստացած մրցանակներից թերևս ամենակարևորը դա հաճախորդի ժպիտն ու երախտագիտությունն է: Ներկայումս Ընկերությունը անշարժ գույքի ոլորտում հանդիսանում է առաջատար կազմակերպություններից մեկը, որը համալրված է պրոֆեսիոնալ աշխատակիցներով:

Ընկերությունում գործում է զեղչային ճկուն համակարգ, որի համաձայն իր կողմից մատուցած ծառայությունների համար հաճախորդներին տրամադրում է 5%, 10% և 15% զեղչերից օգտվելու հնարավորություն: 

Ընկերության՝ www.real-estate.am կայքը, ինչպես նաև App Store և Google Play բջջային հավելվածները օժտված են  բազմաֆունկցիոնալությամբ և հարմարավետությամբ:

Ինչ ծառայություններ է մատուցում «Կենտրոն Անշարժ» գույքի գործակալությունը.

  • անվճար իրավաբանական խորհրդատվություն /Ընկերությունը իր հաճախորդներին տրամադրում է իրավաբանական անվճար խորհրդատվություն՝ կնքվող գործարքի վերաբերյալ, ներկայացնում գործարքի նրբությունները և առկայության դեպքում իրավական խնդիրները, պատրաստում պայմանագրեր, լիազորագրեր և այլ իրավական փաստաթղթեր/,  
  • վարկը ստանալուն ուղղված աջակցություն /Ընկերությունը համագործակցում է մի շարք բանկերի և վարկային կազմակերպությունների հետ, որի արդյունքում իր հաճախորդներին տրամադրում է տեղեկատվություն հիփոթեքային վարկերի պայմանների, տոկոսադրույքների, ինչպես նաև այլ ծախսերի վերաբերյալ, աջակցում կազմել անհրաժեշտ փաստաթղթերը/,
  • անշարժ գույքի վերաբերյալ մասնագիտական խորհրդատվություն /շուկայում առկա իրավիճակի և (կամ) զարգացման հնարավոր միտումների վերաբերյալ ուսումնասիրություն և անհրաժեշտ տեղեկության բանավոր տրամադրում, Գնորդի և Վաճառողի հետ անշարժ գույքի առուվաճառքին վերաբերող պայմանների շուրջ բանակցությունների վարում, դրանց արդյունքում ձեռքբերված համաձայնությունների գրավոր ձևով ամրագրում/,
  • վաճառվող անշարժ գույքի վերաբերյալ տեղեկության տրամադրում /այդ թվում կադաստրային գործի ուսումնասիրում և գույքի առկա վիճակի վերաբերյալ տեղեկատվության տրամադրում, անշարժ գույքի նկատմամբ սեփականատիրոջ (սեփականատերերի) իրավունքը հաստատող իրավական նշանակություն ունեցող փաստաթղթերի ուսումնասիրություն, և դրանց վերաբերյալ տեղեկության ու խորհրդատվության տրամադրում, ինչպես նաև համապատասխան մարմնից հարցման միջոցով հաճախորդին ենք տրամադրում ընտրված բնակարանի վթարային կարգի վերաբերյալ տեղեկատվություն/: 

Դիմելով մեզ, դուք զերծ կմնաք ավելորդ ռիսկերից և խնդիրներից, կխնայեք Ձեր ժամանակը, գումարը և փոխարենը կստանաք որակյալ ծառայություն: